|
سایت حاققیندا  اوشاقلار دؤنیاسینا خوش گلدینیز سون یازیلار آرشیو لینک لر
یازیچی
|
آذربایجان چیچکلری
اوشاقلار دؤنیاسی
دو شنبه 8 خرداد 1391برچسب:, :: 12:18 :: یازیچی: زنگیمارلئ
جیک - جیک خانیم قانادلارینی يئلله‌دیب دئدی: آي چوبان قارداش، منیم چؤرگیمی وئر، گئدیرم.چوبان دئدی : چؤرگینی هارادان آلیم؟ يئدیم، گئتدی. جیک - جیک خانیم دئدی : منه نه بورج يئدین. چؤرگیمی وئر، يوخسا قويونونو گؤتوروب قاچارام! چوبان گولوب دئدی : آي جیک - جیک خانیم، نازلی خانیم، منده نه گوناه وار کی، قويونومو آپاراسان؟ چؤرگی اؤزون وئردین، من نه دئدیم. جیک - جیک خانیم دئدی : گؤر ایندی سنین باشینا نه اويون گتیره‌جه‌يم؟ جیک - جیک خانیم او يانا اوچدو، بو يانا اوچدو، چوبانین قويونونو گؤتوروب قاچدی. چوبان قیشقیرماغا باشلادی: آي آمان، آغام منی اؤلدوره‌جک ! جیک - جیک خانیم جايناغیندا قويون اوچوردو، گؤردو کی، بیر دسته آتلی گلیر، اونلارا ياخینلاشیب سوروشدو : آي قارداشلار، هارا گئدیرسینیز؟ آتلیلار جاواب وئردیلر : جیک - جیک خانیم، نازلی خانیم، گئدیریک پادشاها گلین گتیرک. جیک - جیک خانیم اوچوب پادشاهین قاپیسینا قوندو، قويونو خیدمتچیلره وئریب دئدی : آلین، پادشاهین تويونا گتیرمیشم. جیک - جیک خانیم ایچری گیریب يوخاری باشدا ايلشدی. خیدمتچیلر قويونو کسیب، کاباب بیشیردیلر، قوناقلارا پايلادیلار. قاضی ایله جیک - جیک خانیما دا بیر قابدا کاباب قويدولار. قاضی تئز - تئز يئيیب جیک - جیک خانیمی آج قويدو. جیک - جیک آجیغا دوشوب پادشاها دئدی : منیم قويونومو وئر! دئدیلر : قويونو يئمیشیک، قورتاریب گئدیب. جیک - جیک خانیم دئدی : اونو - بونو بیلمیرم، قويونومو وئریرسینیز، وئرین، وئرمیرسینیز، گلی‌نینیزی آپاراجاغا م! هامی گولدو. جیک - جیک اوچوب چپرین اوستونه قوندو، گؤزله‌دی. گلینی زورنا- بالابان چالا - چالا گتیردیلر. جیک - جیک خانیم او يانا اوچدو، بو يانا اوچدو، گلینی آتین اوستوندن آلیب قاچدی. پادشاه بیر باشینا دؤيدو، بیر گؤزونه، آغلادی. جیک - جیک خانیم گلینی هوندور بیر آغاجین دیبینده يئره قويدو، گؤردو کی، آغاجین کؤلگه‌سینده بیر آشیق ساز چالیر. جیک - جیک خانیم دئدی : سلام عليکم، آي آشیق قارداش، گل گلینی وئریم سنه، سن ده سازی وئر منه. آشیق سئوینیب دئدی : آي جیک - جیک خانیم، نازلی خانیم، مزه‌لی خانیم، سندن من هئچ بیر شئی ا سیرگه‌مه‌رم. آل سازی ! جیک - جیک خانیم سازی آلدی، گلینی وئردی. آشیق گلینی گؤتوروب ائوینه آپاردی. جیک - جیک خانیم آغاجین گؤلگه‌سینده اوتوروب، سازی دینقیلداتماغا باشلادی. تیکان وئردیم، چؤرک آلدیم، دینقیل سازیم، دینقیل سازیم. چؤرک وئردیم، قويون آلدیم، دینقیل سازیم، دینقیل سازیم. قويونو وئردیم، گلین آلدیم، دینقیل سازیم، دینقیل سازیم. گلینی وئردیم، بیر ساز آلدیم، دینقیل سازیم، دینقیل سازیم. ائله او گوندن بری جیک - جیک خانیم عومرونو ساز چالا - چالا، توي - ناغارا ایله کئچیریر.
نظرات شما عزیزان:
|
|||||||||||||||||||||||||||
 |
||||||||||||||||||||||||||||
تبادل لینک هوشمند 
آمار
وبلاگ:
